豆豆×与松下嚳黛子MM的缠绵（”白“和” [复制链接]

豆:呢个系响加勒比海一个海盗o既故事，
巨有一个相恋o既情人，只可惜个女仔系出身贵族，
所以巨地根本无可能系埋一齐。
o个一晚，系一个月色好靓o既晚上，
于是个海盗决定要劫走巨最深爱o既人，
上o左呢只海盗船上面，从此一齐离开呢个地方。
松:我估个女仔应该系自愿跟个男仔走o既！
豆:唔同o既人睇法都唔一样o既！
松:系呢，既然o个晚月色系咁靓，
点解幅画上面又唔画埋上去o既？
豆:因为最靓o既月色只有巨地两个人响只船上面先至会睇得到。
松:我都好希望可以坐响只海盗船上面呀！
我由细到大都未坐过船o既，
亦都未试过离开自己个后花园睇月光，
游水打波又唔得，
连去海洋公园都只系可以睇人玩咋，
唉，不过算啦！咁多年o黎我都习惯晒啦！
豆:等你第日个病好番咪得罗！
松:唔知呢！…好啦，呢幅画就挂响我床头度啦！


松:『巨系我o既画画老师，
响我咁多个家庭老师里面我最喜欢o既就系巨啦，
因为巨教识o左我用个心去睇事物，
用想像去感受一下呢个世界。』



松:『我一出世个心脏已经有问题，
比正常人脆弱好多，好在我屋企有钱，
于是乎我一直可以话响一个温室度长大，
可惜我个病最近开始恶化，
唯一o既办法就系要去外国做手术，
但系呢个手术o既成功率只有一半一半，
我唔惊个手术会失败，
只系有o的o野我仲未有机会做得到就要离开，
我会觉得好遗憾o者。
今日系我o既生日，我屋企人帮我搞o左个party，
亦都顺便farewell我o个一班家庭老师，
因为过两日我就要去做手术啦。个party的确好热闹，
但系只有巨先至睇得出其实我唔系咁开心o者，
个party完o左巨偷偷约我见面。
我望住挂响床头幅画，
等我o的屋企人「目训」着晒，等巨o既出现。
巨一见到我就即刻拖住我只手，带o左我走。 』
豆:我而家劫走你堝，你唔惊呀？
松:唔…我自愿o既！
松:『我坐o左系巨o既电单车尾，巨一直都无出声，
而我一直都无问巨任何o野，
只系咪埋双眼，紧紧咁揽住巨。』


松:『呢条电动楼梯唔郁o既时候原来真系好长，
我行o左十几级个心脏已经开始负荷唔到，
于是巨就背住我一直行到上去山上面。』
豆:今晚个月光咁光，早知我唔驶带电筒啦。
松:哗！我从来都未试过三更半夜o黎到海洋公园o架！
你o个个secure朋友会唔会有事o架？
豆:我同巨讲话如果巨比人炒鱿鱼o既话呢，
你就会陪番一年o既人工比巨o既！
松:无问题呀！
豆:好啦，上船啦！
松:多谢你呀！
豆:虽然我系呢只海盗船o既船长，但系我都开唔郁巨。
松:就算你开得郁巨我都受唔到啦，
不过…唔知手术之后我仲会唔会有机会坐o系呢只船度呢？
豆:只要你个心谂住得o既，就一定得o架啦！好啦，
我地而家就向加勒比海出发！
松:『比巨劫走o个一晚个月色好靓，
而最靓o既月色就只有我地两个人响只船上面先至睇得到。
我整晚都躺o系巨怀抱里面，用个心去感受月亮，
用想像去感受将来我o既世界。』